வசுகுட்டிக்கு தெரியாது

ஊழல் பிசாசுகளை 

ஒருசேர சாடிவிட்டு 

லஞ்ச லாவணிகளை

நாக்கை பிடுங்க 

கேள்வி கேட்டுவிட்டு 

வீடு வந்த இளம் பேச்சாளர் -

பள்ளிக்கூடம் போகமாட்டேன் 

என்று பிடிவாதம் பிடித்த 

மகளிடம் சொன்னார் -

"நீ சமத்தா பள்ளிக்கூடம் போனால் 

அப்பா உனக்கு பைவ் ஸ்டார் தருவேன் ".

பைவ் ஸ்டாரை  சுவைத்தபடி 

பள்ளிக்கூடம் போன வசுகுட்டிக்கு 

அப்பா மேடையில் பேசும் பேச்சுக்கள் 

எதுவும் தெரியாது  பாவம் .