கண் தானம்

குட்டி கிராமம் ஒன்றில் 

நேற்று காலமான என் சித்தி 

கண் தானம் செய்துள்ளார் .

பென்னாகரம் பெரியப்பாவும்

சிங்கநல்லூர்  சித்தப்பாவும் 

அமெரிக்கா வாழ் அர்ஜுனும் 

நாளை மரணத்தை வரவேற்க 

காத்திருக்கும் சுந்தரி பாட்டியும் 

கண்தானம் செய்ய தயார் ஆகி விட்டார்கள் 

எங்கள் குடும்பத்தில் கண்தானம் பற்றிய

விழிப்புணர்வு அதிகம் .

ஆறு வருடங்களுக்கு முன்பு 

எங்கள் செல்லக்குட்டி மணி 

கண்பார்வை இன்றி பிறக்கும்வரை 

நாங்கள் கண்களை பத்தி நினைத்து 

பார்த்தது கூட இல்லை. .