மீண்டும் ஒரு இடி

 மீண்டும் ஒரு இடி இன்று  நெஞ்சில் இறங்கியது 

தாகூரின் சுதந்திர கவிதைகளை நேசித்து வளர்ந்த அவளால் 

இன்று தன் குட்டி தேவதையை காணும்போதல்லாம் ,

பயத்தை மட்டுமே உணர முடிகிறது .

மனம் விட்டு சிரித்து அந்த சிரிப்பை மகளுடன் பகிர ஆசை 

பயமெனும் இருட்டால் நிரம்பிய நெஞ்சில் இருந்து 

 சிறு புன்னகை கூட வருவதில்லை .

போன தலைமுறை அம்மாக்கள் புண்ணியம் செய்தவர்களோ ?

எங்கெங்கு நோக்கினும் இன்று அரக்கர்களே நிரம்பி வழிவது ஏன் ?

கலைமகளாய் ,அலைமகளாய் ,திருமகளாய் தன்  மகளை காண அவளுக்கும் ஆசை !

சுதந்திர நாட்டில் அன்றோ இவளை பெற்றேன் ?

இவளை சுதந்திரமாக எப்படி வளர்க்க போகிறேன் ?

நாட்டின் தலை நகரில் நேற்றும் ஒரு பெண் சின்னாபின்னமாக்கப்பட்டாள் 

இறைவா என் குட்டி தேவதையை சிரிப்புடன் சுதந்திரமாக வளர்க்க ஒரு வழி சொல் நீயே !